مواقف مضحكه

اليوم جيت لكم وانا متحمسه حيل مواقف مضحكة


كله من الثلج

كنا في مكة ايام الحج وكانت خيمتنا في مكان مرتفع بعيد عن سيارات المويه .. راح أخوي يجيب ( ثلج ).. وجاب كيس كبير شايله فوق كتفه ثم جو اثنين من اخواني الصغار بيساعدونه على إنزال الثلج وكان حريص .. بحيث انه لف قطعة الثلج بإحرامه الي على كتفه حتى ماتثلج ( تبرد ) يدين اخواني .... المهم اخواني سحبوا إحرامه ( الي تحت ) بدلا من الي فوق الي فيه الثلج .. وبسرعة ... طاح الإحرام وطاح الثلج ... وطاحوا أخواني من الضحك ..." على فكره ترى العائلة بكبرها انذال " هههههههه






خطوبة:

والله ياشباب ويا صبايا المواقف كثيره ومن كثرتها نسيتها لكن اتذكر موقف حصل لاحد صديقات اختي .. محرج بالحيل .. وهاكم الموقف صديقة اختي هاذي انخطبت وطبعا جاء العريس وابوه لاهل البنت عشان يتفقون على لوازم الفرح والي منه انتم عارفين طبعا ... المهم الي حصل ان صديقة اختي واخواتها يبغون يشفون العريس وكان في غرفه مجاوره لغرفة المجلس يفصل بينهم باب سحاب صديقة اختي هاذي واخواتها متجمعين عند الباب ومطفين النور وكل واحدة تدفع الثانيه تبغى تشوف وفي هذه المعمعه والدافع والمدفوع لشوفة العريس ولكثرة الضغط والدفع ...مادرت البنيه الا وهي مدفوعه من الباب .. الا وهي على رجول العريس ..طبعا موقف لا تحسد عليه الا والكل يضحك حتى ابوها والعريس يضحك ويقول والله جاتك هديه في زبديه وكان لسه ما شافها ...


اتركي الكشخه لاهلها

بنيه صار لها موقف مبكي ومضحك في نفس الوقت ... الزمان: "عيدالاضحى" المكان: "الراشد مول في الخبر"....المهم كانت تتسوق هي وامها ... وكان المكان زحمه بشكل غير طبيعي .. اختكم كاشخه بنفسها وماشيه "يارض انهدي محدش قدي" المهم كانوا في الطابق الثالث... امها اقترحت انهم ينزلون بالمصعد لكنها صممت تنزل بالسلم الكهربائي وما ان حطت رجلها على بداية السلم الا ياعروبه عينها ماتشوف الا النور....اتقلبت من اوله الي اخره.... طبعا العبايه في جهه والغطاء بجهه والشنطه اعطاها اياها واحد جزاه الله خير مادري وين لقاها امها سوت نفسها ماتعرفنها واتبرت منها بس في السوق ... المهم وسط ذهول المتفرجين جاتنها نوبة ضحك هستيريه... الظاهر من الفشله... بدل من البكاء.... من جد الله لايحط اي احد في هذا الموقف....

( الشغالة )

اتصلوا علينا المطار قالوا ترى شغالتكم وصلت ... وعلشان نفتك من "تفويض استلام" رحت بنفسي أخذ الشغاله ... المهم وصلت المطار واخذت الشغالة بطبيعة الحال معها شنطه فيها ملابسها ... استلمت الشغاله وطلعنا للسيارة فتحت شنطه السيارة علشان تحط شنطتها ... تفاجأت .... أن الشغاله مدت رجلها بتركب في الشنطه قدام العالم ... وانا ما مسكت نفسي ما قلت لها لا قعدت اضحك وما مسكت نفسي وقمت أشر لها علشان تنزل والعالم تضحك ... المهم في الاخير نزلت من الشنطه ... بس بعد ما كل الموجودين جاهم مسيل الدموع من الضحك

( آآه عليكم يا العجايز )

هاذي بنيه سافرت هي وجدتها .. اول مره يركبون طيارة انزين .. المهم جاءتهم المضيفة وقدمت لهم الطعام .. الا قالت جدتها للمضيفه : والله لو أدري أني أبكلف عليكم ماجيت!!!! :harhar1:

ههههههههههههههههههههه

سلمتي ع الموضوع واحلى موآقف



( الشغالة )

اتصلوا علينا المطار قالوا ترى شغالتكم وصلت ...
وعلشان نفتك من "تفويض استلام" رحت بنفسي أخذ الشغاله ... المهم وصلت
المطار واخذت الشغالة بطبيعة الحال معها شنطه فيها ملابسها ... استلمت
الشغاله وطلعنا للسيارة فتحت شنطه السيارة علشان تحط شنطتها ... تفاجأت
.... أن الشغاله مدت رجلها بتركب في الشنطه قدام العالم ... وانا ما مسكت
نفسي ما قلت لها لا قعدت اضحك وما مسكت نفسي وقمت أشر لها علشان تنزل
والعالم تضحك ... المهم في الاخير نزلت من الشنطه ... بس بعد ما كل
الموجودين جاهم مسيل الدموع من الضحك

( آآه عليكم يا العجايز )

هاذي
بنيه سافرت هي وجدتها .. اول مره يركبون طيارة انزين .. المهم جاءتهم
المضيفة وقدمت لهم الطعام .. الا قالت جدتها للمضيفه : والله لو أدري أني
أبكلف عليكم ماجيت!!!!